السلام عليكم ورحمة الله وبركاته


قصيده في محبة الرسول محمد صلى الله عليه وسلم

أبتدي قولي واسمّي باسم خـلاّق الخلايـق
الكريم العاطـي الوهـاب معبـود البريّـه
ثم اصلي على النبي الهاشمي والقلب شايق
حب لمحمد رسول الله مـن قلبـي هديّـه
نور حبه والشهاده طعمهـا بالقلـب ذايـق
من حلاة امحبته في القلب احس النفس حيّه
الهدايه في اتباعه دون عن كـل الطرايـق
منهج الإسلام واحد ..تاركه نفسـه شقيّـه
انزله رب العباد عليـه وانـواره شرايـق
وزال به ظلم البشر والناس كانت جاهليّـه
الرسول الهاشمي اللي طرح كـل الحقايـق
وان رب البيت واحد في السماوات العليّـه
وعلم الناس المحبه وماقـدر يمنعـه عايـق
بالصبر والعزم والدعوه لربـن هـو نبيّـه
والتلاوه في كتاب الله تفـرج كـل ضايـق
وبالصلاة وفي الصيام وبالزكاة اجزل عطيه
وان طاعة ربنا تفتـح لنـا كـل الغلايـق
وان حب الله يجعـل نفسنـا طيـب ونديّـه
والحروف اللي كتبت وخاطري بالحيل رايق
ادعي الله انهـا تشفـع ولـي نفـسٍ نقيّـه
والله ان النفس طابت واصبحت مثل الرقايق
من سبايب شوفة اوضاع النفوس الليدنيه
البشر ماهي بشر والناس في بحر الغرايـق
والمعاصي يالطيف امست شموخ ومفخريّه
وين حب الله وحب الدين والدنيـا صفايـق
كل واحد صار همه نفسـه اللـي مشتهيّـه
الدروب امست ظلام وما يلوح بهابرايـق
والطريق امسى طويل وداخلي مليون كيّـه